#كلمة_على_الهامش
#بالعاميه
عن نعم ربنا الكتير اللى علينا و ممكن نكون مش شايفنها و لا حاسين بيها
كان فى برنامج #مانشيت على اون تى فى حلقة يوم 8-2-2016 برنامج عن بنت ضريره اسمها سيلفيا ، و بتتكلم عن تجربتها الشخصيه ، اجمل ما فيها انها فعلا عرفت الواحد حاجات ممكن يكون مش واخد باله منها فى التعامل مع ذوى الاحتياجات الخاصه .
اصعب كلام لما كانت بتقول إن الكفيف انسان كامل يا جماعه مش نص انسان ... انسان له مشاعر و نفسه يحب و يتحب و يعيش حياته عادى ,,, و انه عنده مشاعر و بيتأثر جدااا
من الحاجات فعلا اللى قالتها و الواحد كان مش عارفها لما قالت إن من الحاجات اللى بتاثر فيها ان ممكن يكون فى حد معها فيجى واحد يقوله : هى عاوزه ايه ؟ او يساله بدل ما يسألها
فقالت : ليه ميسألنيش علطلول .. انا هعرف ارد عليه عادى .. ليه النظره ان انا مش هقدر اتعامل لوحدى
غالبا الواحد كان بيفتكر كده انه مبيحرجش الشخص الكفيف ، طلع العكس من كلامها .
اجمل حاجه فعلا مامتها و هى معاها و قلب الام فعلا عمره ما يتغير ابدااااا
البنت رغم انها خريجة اقتصاد و علوم سياسيه و الخامسه على الدفعه ، و انها عندها منحه للماجيستير فى امريكا و هى خلصتها بعد كل ده ، اكتر حاجه نفسها فيها ان بنتها تتجوز و ربنا يرزقها اللى يراعيها
صعبت على الواحد جدااااا ، و الواحد فعلا فضل يدعى لها ربنا يرزقها فعلا بن الحلال و انها تلاقى اللى نفسها فيها و ربنا يهديها يارب
لما قامت عشان تورى جابر القرموطى فى البرنامج انها عاديه و تقدر تمشى ، طلبت يعملوا لها ف الاستديو زى عوائق كده و هى تتحرك بالعصايه بتاعتها .. و البرنامج مباشر من غير تسجيل ... الواحد كان خايف عليها جدااا و هى بتحرك انها ممكن تقع او حاجه .. لكن هى فعلا ورت الناس انها عادى بتمشى و تتحرك و مفيش مشكله و انها انسانه عاديه
الواحد فعلا لما بيبص للحاجات دى .. بيقدر فعلا النعم اللى ربنا انعم بيها على الواحد و الواحد بيكون مش شايفها فعلا لانه متحرمش منها
الواحد فعلا لو مجرد بس نعمة البصر شكر ربنا عليها مش هيقدر يوفى حقها ما بال بقية النعم ...
ربنا يسعدها يارب و يسعد كل انسان محتاج و يرزقنا شكر نعمه الكتير علينا
#ذكريات
#وإن_تعدوا_نعمة_الله_لا_تح
#بالعاميه
عن نعم ربنا الكتير اللى علينا و ممكن نكون مش شايفنها و لا حاسين بيها
كان فى برنامج #مانشيت على اون تى فى حلقة يوم 8-2-2016 برنامج عن بنت ضريره اسمها سيلفيا ، و بتتكلم عن تجربتها الشخصيه ، اجمل ما فيها انها فعلا عرفت الواحد حاجات ممكن يكون مش واخد باله منها فى التعامل مع ذوى الاحتياجات الخاصه .
اصعب كلام لما كانت بتقول إن الكفيف انسان كامل يا جماعه مش نص انسان ... انسان له مشاعر و نفسه يحب و يتحب و يعيش حياته عادى ,,, و انه عنده مشاعر و بيتأثر جدااا
من الحاجات فعلا اللى قالتها و الواحد كان مش عارفها لما قالت إن من الحاجات اللى بتاثر فيها ان ممكن يكون فى حد معها فيجى واحد يقوله : هى عاوزه ايه ؟ او يساله بدل ما يسألها
فقالت : ليه ميسألنيش علطلول .. انا هعرف ارد عليه عادى .. ليه النظره ان انا مش هقدر اتعامل لوحدى
غالبا الواحد كان بيفتكر كده انه مبيحرجش الشخص الكفيف ، طلع العكس من كلامها .
اجمل حاجه فعلا مامتها و هى معاها و قلب الام فعلا عمره ما يتغير ابدااااا
البنت رغم انها خريجة اقتصاد و علوم سياسيه و الخامسه على الدفعه ، و انها عندها منحه للماجيستير فى امريكا و هى خلصتها بعد كل ده ، اكتر حاجه نفسها فيها ان بنتها تتجوز و ربنا يرزقها اللى يراعيها
صعبت على الواحد جدااااا ، و الواحد فعلا فضل يدعى لها ربنا يرزقها فعلا بن الحلال و انها تلاقى اللى نفسها فيها و ربنا يهديها يارب
لما قامت عشان تورى جابر القرموطى فى البرنامج انها عاديه و تقدر تمشى ، طلبت يعملوا لها ف الاستديو زى عوائق كده و هى تتحرك بالعصايه بتاعتها .. و البرنامج مباشر من غير تسجيل ... الواحد كان خايف عليها جدااا و هى بتحرك انها ممكن تقع او حاجه .. لكن هى فعلا ورت الناس انها عادى بتمشى و تتحرك و مفيش مشكله و انها انسانه عاديه
الواحد فعلا لما بيبص للحاجات دى .. بيقدر فعلا النعم اللى ربنا انعم بيها على الواحد و الواحد بيكون مش شايفها فعلا لانه متحرمش منها
الواحد فعلا لو مجرد بس نعمة البصر شكر ربنا عليها مش هيقدر يوفى حقها ما بال بقية النعم ...
ربنا يسعدها يارب و يسعد كل انسان محتاج و يرزقنا شكر نعمه الكتير علينا
#ذكريات
#وإن_تعدوا_نعمة_الله_لا_تح
